تاند، شنبه، د سنبلې ۲۳مه: د جګړې له ډګره سولې ته راستون شوی د حزب اسلامي مشر او د ولسمشرۍ نوماند ګلبدین حکمتیار وايي، افغان ځواکونه د جګړې په تقدس باور نلري بلکې دوی د بې وزلۍ او بې روزګارۍ له کبله جنګېږي.

ګلبدین حکمتیار وايي، هره ورځ له ۳۰۰ زیات امنیتي سرتېري د جګړې په ډګر کې مري، خو که اوسنی حکومت دوام پیداکړي د هېواد وضعیت به لا زیات بحراني شي: ((هره ورځ لس دولس جنازې یوازې بدخشان ته وړل کېږي،هیڅ وژل شوی سرتیری د جګړې په تقدس او سپيڅلتیا باور هم نلري دوی اقتصادي مجبوریتونو اړ کړي دي چې د امنیتي ځواکونو لیکو ته ولاړ شي.))

بلخوا د ارګ ویاند صدیق صدیقي هم د حکمتیار د څرګندونو په غبرګون ویلي د امنیتي ځواکونو په تړاو د ګلبدین دا ډول څرګندونې غیر مسوولانه او له سپکاوي ډکې دي.

ښاغلي صدیقي نن په یو خبري کنفرانس کې له حکمتیار وغوښتل چې د خپلو خبرو پهتړاو دې بخښنه وغواړي: (( دا ډول څرګندونې غیر مسوولانه دي، موږ یې خپلو ځواکونو ته سپکاوی ګڼو، ښاغلی حکمتیار باید له امنیتي ځواکونو د دې خبر بخښنه وغواړي))

په همدې حال کې د ښاغلي حکمتیار دې څرګندونو په ټولنیزو شبکو کې دفعالانو سخته غوسه راپارولې ده او ګڼو کسانو ویلي چې له حکمتیار څخه د تېرې ملي اردو د ړنګولو پوښتنه که شوې نن به یې امنیتي ځواکونو ته بیا توهین او سپکاوی نه کاوه.

حکمتیار امنیتي ځواکونو ته له سپکاوي ډکې خبرې په داسې حال کې کوي چې نوموړی د سولې په نوم هره میاشت ۲۵۰ میلیونه افغانۍ مصارف اخلي او ۳۰۰ سرتېري یې د ځان د ساتنې لپاره اخیستي دي.

استقلال: امریکائی ها گاهی زرخرید های طالب را به میدان می آورند و گاهی غلام سرسپرده"گلبدین راکتیار" ها را. معذرت خواستن از چرند، در ماهیت گلبدین ها هیچ تغییری نمی آورد.

گلیم بخت کسی را که بافتند سیه

به زمزم و کـوثـر نتوان کـرد سپید

هر کال د وږي د میاشتې ۱۸مه (سپتمبر ۹مه) د قومندان احمدشاه مسعود د وژنې ورځ په کابل کې د هغه د پلویانو له خوا پر ډزو، خلکو ځورونو، وسلو نمایش، قانون ماتولو او د ښار په بې نظمه کولو سره لمانځل کیږي.

نن ورځ هم د نورو کلونو سره کوم تفاوت نه درلود. کابل ښار د تیر په څېر د مسعود فکر وسله والو پلویانو له خوا محاصره و. دوی ډزې کولې او عامه ملکیتونو ته یې زیان رسولو. د مسعود د فکر پلویانو نن د برېښنا لاینونه هم قطع کړل چې له کبله یې د کابل ۸۰ سلنه ښار له برېښنا څخه محروم شو.

خو وضعیت هغه مهال تغییر وخوړ چې د مسعود پلویانو یو د پوځ افسر پر ډزو و وژلو چې ورسره پر ټولنیزو رسنیو د پولیسو او د دوی دواړو خلاف توند غبرګونونه وپاریدل.
د پوځ د افسر تر وژل کیدو وروسته د پولیسو ځانګړو ځواکونو د مسعود د پلویانو په نیولو پیل وکړ، او لسګونه کسان یې ونیول او وډبول چې دا د نورو کلونو پر پرتله بې ساری کار و.